الصراحه انا خايفة اقفل النت احسن ما اعرفش افتح البلوج تانى هنسبها على الله
انا عندى 18 سنه هتمهم فى 31-5 الى جاى الواحد حاسس انه عاش كتير فى الزمن ده شوف بقه 18 سنه فى 12شهر فى 30يوم دى مش كآبه خالص انا ما بحبش النكلد بس الواحد حاسس انه ما عملش حاجه صحيح دخلت الهندسه اللى نفسى فيها والحمد لله بس حاسه دايما بالتقصير
انا برج الجوزاء وانا صحيح ماليش في الكلام ده بس الى واثقه منه انى بشخصيتين مش نفاق والله بس صراع بين اتنين عايشين فى جسد واحد كل واحده مختلفه عن التانيه تضحك وفي نفس الوقت تقلب حاجه تجنن الناس وخاصة صاحبة هذه الشخصيه العجيبه
انا اشعر انى شخصيه غير طبيعيه فانى اخاف من كل شىء عمرى 18 سنه ولكنى اخاف من العفاريت والله مش هذار دي الحقيقةا
7 comments:
فرحانة أوى دخلتى هندسة .....
بذمتك فى حد قالك كلمة حلوة قبل ما تدخلى ؟؟؟؟
------------
المهم مبروك ع البلوج ، لو محتاجة مساعدة فى حاجة قولى براحتك ....
يا بنتي انا دخلت ع التاني بتاعك ولقيتك كاتبة كلام زي الفل معرفش هو ضاع منك ليه :)وونبي ارمي المواضيع المتكررة وانت كمان اسبوعين هتبقى فل الفل هعملك اعلان مدفوع الاجر مقدما واعزميني ع 2 سندويدش بطاطس هههههه
اهلا اهلا بالباشمهندسه نورهان معانا فى عالم التدوين يالا ورينا المواضيع الجامده وبلاش تهييس زى نوران والنبى هههههههههه
على فكره انا رضوى
اهلا بيكي في عالم التدوين و على فكرة انا من الناس اللى حست انها معملتش حاجة لما وصلت سن 18 و ان زمن عدى بسرعة !! مش عارف ليه ؟
عمرو دياب قال اى حاجه تيجى من رحه الحبايب
طالما أنت من طرف نوران وكمان بتحبك يبقى أكيد أنت زيها
مبروك المدونه وعايز أقولك قربى من ربنا أكتر وانت صدقينى مش حتخافى -أسمعى كلام مجرب .
وبعدين أحنا غالبا بنبقى مش راضين عن الحياه نوع من انواع الشعور الداخلى بالتمرد عادى يعنى
مبروك
سلام
ايه ده يا نورهان انتي صحيح وقعتي في شبر ميه ..ايه كل التكرار ده بس ،مستني بوستاتك الجايه
وبعدين مش عارف لما انتوا مبدعين في الكتابة كده مالكم بالهندسة دي..
مودتي
Post a Comment